大閘蟹養殖——“秋風響，蟹腳癢”，交關人儕會買眼“大閘蟹”到屋里向解饞。葛末，螃蟹到底為啥叫做“大閘蟹”呢？經過一番查考，發現搿有勿同個說法。

　　現代作家包笑天晚年寫個《大閘蟹史考》，引用了蘇州古籍收藏家吳訥士個說法：“凡捕蟹者，伊拉辣港灣間，必設一閘，以竹編成。夜來隔閘置一燈火，蟹見燈光爬上竹閘，即在閘上一一捕之，甚為便捷。此是閘蟹之名所由來了?！彪〈顐€“竹閘”，應該屬于硬造個名稱，伊實際就是“籪”。勿少人儕曉得，辣辣六朝時期，吳淞江下游個漁民發明了“滬”，搿種插辣河浜淺灘浪個竹柵欄，退潮個辰光可以攔牢魚蟹；到了唐代，由于“滬瀆”經常作為地名出現辣詩賦當中，漁民們為了避免概念混淆，根據“滬”個“斷魚蟹之退路”功能，拿伊改稱“籪”，所以陸龜蒙個《漁具詩·序》明確講“滬，吳人今謂之籪”。搿歇，“籪”仍舊是江南農村個傳統漁具，《現代漢語詞典》對伊迭能解釋：“攔河插在水里竹個柵欄，用來阻擋魚、蝦、螃蟹，以便捕捉?！奔热弧盎f”從來嘸沒叫過“閘”，“大閘蟹”是因為捕捉工具而得名個說法就立勿牢腳了。

　　前兩日，趁到上海郊區去參觀蟹塘個機會，問過一位年長個蟹農：“老伯伯，儂曉得‘大閘蟹’個名稱是哪能來個[口伐]？”埃個蟹農想了一歇，撈起一只螃蟹笑了講：“記得伲阿奶講過，雌蟹個半圓形臍蓋像‘大閘門’，雄蟹個尖臍蓋像‘小閘門’，伊拉身浪向儕有一扇‘閘門’，所以叫做‘閘蟹’或者‘大閘蟹’。鎮文化中心搜集民間傳說個辰光，我拿迭樁事體寫下來了！”伊看見我有眼勿相信，就從屋里向拿出一本鎮文化中心編個民間傳說集。埃個蟹農講個內容，辣辣前人筆記文獻脫仔相關書籍當中儕尋勿著，完全屬于一種民間傳說?！按箝l蟹”是因為長相而得名個說法雖然生動，但明顯屬于硬裝榫頭，實在經勿起推敲。

　　其實，“大閘蟹”是從“大煠蟹”演變過來個。三國時期張揖個《廣雅》（后來改名《博雅》）提到：“煠，瀹也；湯煠也。音閘?！鼻宕螒c、道光年間個蘇州文人顧祿，辣辣伊個《清嘉錄》里向講：“湖蟹乘潮上，籪漁者捕得之，擔入城市，居人買以相饋貺，或宴客佐酒。有‘九雌十雄’之目，謂九月團臍佳，十月尖臍佳也。湯煠而食，故謂之‘煠蟹’?！卑€辰光，賣蟹人挑擔進城沿街叫賣，勿斷高喊“煠蟹唻大煠蟹”，成為秋天個一道風景。此地個“煠”是指煮，現在個《新華字典》仍舊拿“煠”列為“炸”個異體字，并解釋成“拿食物放辣煮沸個油或水里弄熟”。螃蟹一般儕煠來吃，所以大家拿伊叫做“煠蟹”。老早黃浦江脫仔吳淞江出產個“清水蟹”，只頭大、肉結實，撥上海人稱為“大煠蟹”。大概是“煠”字比較生僻個緣故，日腳一長，諧音個“大閘蟹”就慢慢替代了“大煠蟹”，并且一直沿用到今朝。歸根到底，“大閘蟹”是因為烹制方法而得名個。